Concert en tur chuan vaccine lak ngei ngei a ngai, tih a hriatchian hnu ah pa pakhat chuan Olivia Rodigro ticket, $3,500 man chu a hal ral.
Facebook-ah millionaire anga inchhal Doug Wood chuan Airzona Federal Theatre, Phoenix-a Olivia-i kalpui mek, ‘Sour’ tour en tura a fanu nena ticket manto tak an lei ah kum 12 chung lam tan vaccine lak hmasak a ngai, tia thu inziak chu tlai khaw hnu ah a hmu hnuhnawh a, mahse vaccine lak duh lo bur a nih vangin concert en ai chuan tiin, ticket a lei tawhsa hi a hal ral.
Ticket-ah hian dan khauh tak tarlan a awm a, concert en turte’n vaccine an la nge tih chianna an nei tur a ni tih inziak chu a tirah khan a chhiar fuh mai lo niin, Doug Wood hian a sawi.
Thil awmdan a hriat chian hnu-ah ticket hi a lei Ni la la in, a hal ral vek dawn tih a sawi nghal a, Facebook LIVE kaltlangin a sawi ang ngeiin a ti ta a ni.
Zaithiam lar chak tak Olivia Rodrigo hi tunah hian debut album, ‘Sour’ hmingpuin US tour pui tak a kalpui chhunzawm zel a, Los Angeles khawpuia Greek Theatre-ah tawp a khar ang.