Aizawl: Nimin khan Electric Veng Branch, Mizoram Rural Bank(MRB) 100-na chu Governor Hari Babu Kambhampati-a’n a hawng.
He branch hi India rama a hmasa ber pawl ni turin Micro, Small & Medium Enterprises (MSME) dedicated bank branch a ni dawn a ni.
Governor chuan Mizorama bank darh zau ber, customer nei tam ber, pawisa dah luh tam lama pahnih leh pawisa puktir tam lama pakhatna ni mekin branch 100-na atan MSME dedicated bank branch, Aizawl Electric Vengah an hawng chu hlawhtlinna chhinchhiah tlak a nih thu a sawi.
India ram economy-a sum thawk chhuak tam ber chu sumdawng tenau zawk – MSME an ni a, Mizoramah pawh MSME-ten sum an thawk chhuak tam ber a. Heng sumdawng tenaute pual liau liaua MRB branch thar hawn a ni ta chu hlawhtlinna mellung chhinchhiah tlak tak a nih thu a sawi.
MRB Electric Veng Branch hawnna inkhawm hi Samuel L Warbah, GM, N-II chuan a kaihruai a. V.Jaya Chandra, Chairman, MRB-in technical report pein inlawmna thu a sawi a. Vanlalhumi, CM (P&OA)-in lawmpuina thilpek hlanna hun a hmang a. Rosiamngheta, Councillor, Ward V leh President, Mizoram Automobile Dealers Association te pawhin thu an sawi.