Texas state chuan inpawngkahna a tawngbaw leh ta a, nimin khan Robb Elemetary School-a inkahna thlengah mi 18 an thi. Selena Gomez tan a chawrchhuahna state-a thil thleng a nih vangin a tuar nâ zual.
Zaithiam lar Taylor Swift bakah filmstar Priyanka Chopra te pawhin demna bakah chhiat tawkte tawrhpuina an hlan ve bawk. Selena chuan, “Vawiinah hian ka home state Texas-ah zirna run bel pawisawi lo zirlai mi 18 te chu kahhlum an ni.
Tha taka a hna thawk mek zirtirtute pawh thah a ni. Zirlai naupangte hi zirna In ah an him lo a nih chuan khawiah nge an him chuan ang? Rilru a buai duh hle mai a, sawi tur pawh ka hre tawh lo. Thuneitute’n tawngka maia thusawi duhtawkin, hun lo la awm tura inpawngkahna a thlen tawh loh na turin Dan hman mek thlakdanglam hi a hun takzet,” a ti.
Priyanka pawhin, “Tawrhpuina ringawt hi a tawk lo. A taka thiltih leh hlenchhuah kan mamawh. A pawi vawng vawng,” a ti ve bakw.
Taylor Swift pawh a ngawi bik lo. “Rilrunatna leh hrehawmnain ka khat.. Uvalde-a tualthahna hian min vaw chau vek mai. Buffalo, Laguna Woods leh hmun danga thleng te pawh a tam mai! Tawrhzawh rual loh thinlung kehchhiatna a ni,” tiin a sawi ve bawk.
Uvalde hi Mexican ramri atanga darkar khat vel emaw laka awm niin, a mi chengte pawh tam lo tak an ni a.. tunhnaia US zirna In-a inpawngkah thleng rapthlak ber a ni hial.