Dallas Mavericks in Western Conference finals-ah game khat mah la lova tlak an hmachhawn a, mahse Nilaini zingah mualpho duh lova theihtawp chhuahin 119-109 in game 4-ah hnehna an chang.
Golden State Warriors hi tlawm mahse 3-1 in best of seven series-ah an la sang zawk thova. NBA Playoffs-ah 3-0 a tlawm tawh team tho leh an awm ngai lova, Dallas in a hmasa ber nih an tum dawn.
Mavericks tan thiampuipa Luka Doncic chuan point 30 leh rebound 14 a la a. Warriors in an inkhel dang zawngah Doncic an dang thei dawn lo tih hria in amah thlawptute zawk dan an tum an tifuh thin a. Tun tumah erawh Dallas shooting a kal hle.
Dorian Finney-Smith leh Reggie Bullock ten 3 points vawi 10 lutin point 23 leh 18 an thawh bawk.