A HLAWKNA LEH A RAH
Vun-a a han intah luh chiah khan level hrang hrang hmangin i landan a lo danglam nghal dawn a. I lang naupang sawt anga, hmai leh taksa chu a nem nalh hle bawk ang.
Tin, ni zung hlauhawm tak UVB rays lak atangin a veng dawn che a, Ni sa-in a tihchhiat theihna tur lakah a chhanhim bawk ang che.
Cosmetic lama mithiamte’n Ascorbyl palmitate leh ascorbic acid hmangin incheina tam tak an siam chhuak a, vitamin c nena intluk thuak tura duan a ni. Mahse, a takah chuan a ni hauh lo.
Vun sensitive tak neite hian an buaiphah fo a, side effect a nei zel bawk nen, vitamin C dik tak telna hi engti kawng mahin a pha lo a ni.
Chutih rual rualin, fakmawi na zawng pawh hi chin tawk nei lek lova hman a nih chuan a pawi thui viau thei a. A hmasa berin, company tam tak hian an thil siam chhuah fak mawi nan vitamin tha tak tak an hmang an ti deuh vek thin.
Vitamin C bikah erawh chuan an thil siam chhuah color kha chiang takin enfiah hmasa ang che. A eng emaw uk lam a nih chuan hman loh a him.
Vitamin C hi boruak-a dah a nih chuan hetiang color-ah a in let mai thin a, taksa tana pawimawh tak tak ‘collagen leh elastic’ te a lo chau nghal a, a nih tur ang a ni pha ta lo thin.
NITIN HMANG RAWH
Vitamin C telna hi nitin hun bi nei taka i hmang thin a nih chuan vun a tihmawi mai bakah cell thi tawh leh chhiate chu a thlak nghal zung zung thei a. Mawina leh nalhna atan chuan mamawh chhanna dik tak a tling hle a ni.
Vun nalh leh no sar nei tur chuan Vitamin C hian hna ropui ber mai a thawk a. Mithiam te’n ‘Tar harna vitamin’ an lo ti ve zel bawk nen, a namai lo ti teh ang.
Vun chhung leh pawna awm bawlhhlawhte hi Vitamin C hian a thuahfai hneh viau a, chu mai bakah no sar turin a vawng leh nghal bawk a. Taksa tana pawimawh tak mai ‘collagen’ a ken tel miau avangin fak tlak a ni. A tangkaina hi hrereng ang che.