Mizo thlahrang film thar dang-dai leh danglam angreng tak, ‘The Hut’ chu tlangzarh a ni ta.
Director leh Editor ni bawk H.Lalchhuanawma chuan technical report pein, “Shooting chhung hian Pathian hruainain harsatna tawk lovin kan tlingtla thei a. He film hi 55 minutes a sei tur a ni a, a tir atanga a tawp thlengin a entute a tithaih tluanchhuak zak dawn a. He film ah hian Mizo film thlahrang kan lo hmuh tawh thinte ang lo takin after effect leh visual ah a bon hle dawn tih mipuite ka hrilh duh bawk a ni a ti.
He film hi mizo hmeichhe lemchan thiam hmingthang Dr.Louis Hauhnar, Principal Mizoram Hindi Training College chuan tlangzarhin Mizo thlahrang film hmuhnawm tak a nih a beisei thu a sawi a.
Film Producer C.Hmingthangvunga kutchhuak te reng reng hi entlak leh technical taka belhchian dawl te an ni zel a. Chu mai bakah Editor thiam leh Cameraman thiamber pawla ka ngaih An-a nena an thawk dun ri ngawt pawh hian he “The Hut” film hi a theu neu dawn lo tih ka chiang, a ti.
“The Hut” film en duh tan application thar siam a ni a. Vtech apps ah ni 26/05/2022 zan dar 8:00 atangin film hi man chawia en theih a ni ang.