Real Madrid chuan AS Monaco midfielder Aurelien Tchouameni chu lakluh tumin hma an la mek a, kum nga daih contract pek an tum.
Tchouameni hian Madrid lam pan hi a duh a, Liverpool pawhin ngaihven mahse Spanish champion lam an hlawhtling dawn a ang telh telh a. Club pahnihte hi Euro maktaduai 80 velin an inrem dawn nia sawi a ni mek.
Kum 22 mi hi Real Madrid in tun nipui a player an lakluh pahnihna a ni thei dawn a, Real hian Chelsea atangin defender Antonio Rudiger chu free transfer in player bazar inhawn veleh an lalut fel ang.
Real Madrid leh Liverpool te hi tunhnaia ngaihven hlawh midfielder kal theihna tura thawm nei ring ber an ni a, Paris St-Germain nen pawh sawizawm an ni.
Nimahsela Real in Mbappe an lakluh theih dawn loh takah chuan Tchouameni lakluh an dah pawimawh ber a. Kum 30 mi Casemiro thachhangdawltu tur neih an duh a, France tana vawi 8 khel tawh Tchouameni hi an duh ber.
Real hian an lalut a nih chuan an midfielder rinrawl – Casemiro, Toni Kroos leh Luka Modric te thlak turin Tchouameni bakah Fede Valverde, 23, leh Eduardo Camavinga, 19 te an nei dawn.