Samajwadi Party chief Akhilesh Yadav chuan an state-a Rajya Sabha inthlan turah an aiawha ding turin an thawhpui party mi, Jayant Chaudhary a thlang a, a nupui, Dimple Yadav a thlang lo chuan mak tih a hlawh hle.
“Chaudhary-a hi Samajwadi Party leh Rashtriya Lok Dal (RLD) tang dunin an dintir dawn a ni,” tiin Samajwadi Party chuan Twitter-ah a tar lang.
Nilaini khan Samajwadi Party MP hlui, Dimple Yadav hi an party-in MP an neih pathumna leh Rajya Sabha-a an chanpual neih chhun a ni a, Chaudhary thlan a ni hian mak tih a hlawh hle a ni.
Congress hruaitu thin, Kapil Sibal leh Javed Ali Khan te chu Samajwadi Party-in an candidate tur zinga mi a ni.
Akhilesh Yadav chuan Ningani tuk khan an thawhpui, RLD pawh hrilhin Chaudhury chu an party-in Rajya Sabha-a ding tura an thlan a nih thu a hrilh a ni.
Thawhlehni khan Chaudhary-a hi inthlanah a ding tawh dawn lo nia sawi a awm hman tawh a; mahse, Akhilesh Yadav-a hian thlemin a tawpah a hming chu vawrh chhuah a ni ta a ni.
Samajwadi Party hi RLD nen hian February-March thlaa Uttar Pradesh inthlan dawnah khan an thawkho tan a. Yogi Adityanath-a kaihhruai BJP paih thlak tuma thawkho an ni.