French Open khelh mekah che tha tura rin pahnih, tunhnai tournament a che tha Carlos Alcaraz leh Alexander Zverev te second round-ah an tla teuh a. An khingpuite beilet ve ve in French Open third round an lut.
Roland Garros a Nilaini zana inkhelah Spanish rawlthar Alcaraz-a’n inkhel hautakah Albert Ramos-Vinolas 6-1 6-7 (7-9) 5-7 7-6 (7-2) 6-4 in a hneh thei hram.
Tunhnaia Djokovic leh Nadal te a zawna hnehtu Alcaraz hian hmuhnawm tak taka ball vuak nei thin mahse a khingpui hneh turin theihtawpa a beih a ngai thin a. Darkar li chhung inkhelah set linaah match point a hmachhawn hman.
Zverev pawhin 2-6 4-6 6-1 6-2 7-5 in Sebastian Baez a hneh a, ani pawhin set hnuhnung berah match a khingpui in a neih chu a dang tluan hram.
Djokovic leh Nadal te erawhin harsatna an nei lova, champion lai in Alex Molcan 6-2 6-3 7-6 (7-4) in a hneh a. Vawi 13 champion tawh Nadal-a’n Grand Slam match 300 a chakna turin Corentin Moutet 6-3 6-1 6-4 in a hneh.