Union Home Ministry leh Mizoram State Home depa- rtment thurawn bawhzuiin, Champhai district-a puak thei thil hman leh zawrh phalna nei -explosive licence holder- leh no objection certificate (NOC) nei ten dan an zawm em tih te, tawlh ruk awm thei te bakah danin a phut anga hma an lak leh lak loh te joint inspection team-in nimin khan an endik.
Joint inspection team hi SDC, Executive Magistrate Esther Leihang-in a hova, member – SP aiawh, DIPRO leh Area supervisor, Geology & mining department aiawhte an tel a ni.
Endik bultan nan hrilhlawk lovin explosive licence nei te lunglakna quarry pahnih leh NOC pek Petroleum & explosive safety organization (PESO) license nei 1 te nimin khan tlawhin an endik a. Puak thei thilte chu hmang fimkhur tur te, a nihna tur ni lo thil danga hman a rem loh thu te, dan lova ti an awm chuan an chungah hremna lekkawh theih a nih thute an hrilh a. Phalna an hmuh leh dil chhan ang zela puak thei an kawlte hmang tur leh dan lova thil tih kawnga hman a nih lohna tura fimkhur turin an chah bawk.