Delhi court chuan Zirtawpni khan Haryana chief minister hlui, Omprakash Chautala chu a sum lak luh aia tam thil a neih avangin kum li lung in tang turin a hrem.
Special Judge Vikas Dhull chuan Chautala hi Rs. Nuai 50 chawi tur leh a ram neih zinga pali chu hrensak turin a ti bawk.
May 21 khan thiam loh chantir tawh, Chautala-a thil neih hrang hrangte hi court-ah pho lan a ni a, judge chuan chief minister hlui hian a sum lak luh zat aia 103% zet thil a nei a ni tiin heng thil a neihte hi a neih dan leh leina sum a lak luhna hriat loh a ni.
Court hian Chautala-a hian kum 1993 leh 2006 inkara thil man to tak tak a neihte chu a neih theih dan a sawi chhuak thei lo va, khawi lam sum atanga a lei nge tih a sawi thei lo niin a sawi bawk.
Court hian Chautala hi 1992-1993 leh 1998-1999 tangka kum inkar khan a hna leh nihna atang ringawt chuan kum khatah Rs. 25,000 atanga Rs. 1,42,000 bak a la lut phak thei lo niin a sawi.
Chautala hi CBI-in kum 2005 atang chhuiin March 26, 2010-ah dan a bawhchhia tiin an thlen a, Rs. Vaibelchhe 6.09 zet a nei niin an sawi.