Aizawl : Govt Serchhip College Principal PC Lalremsiama’n Grade ’A’ an nih bakah zirlai hman tlak chher tura tan an lak thu a sawi.
Zirtawpni khan PC Lalremsiama hian Serchhip chanchinbumite a pisa lengah sawmin a kawm a. An college chu Mizorama grade dawng sang ber NAAC Grade-A dawng a nihah an duh tawk loh thu leh hei aia grade tha hlawh chhuak tura tan an lak mek thu sawiin, zirna lama tan an lak bakah zirlai ten an zir chhuah huna anmahni kut kawiha an din chhuahna tur thlenga zirna an ngaihtuahpui thu a sawi.
July 1, 2022 atanga class tanna tur Science building an neih tawh thu leh Science laboratory building erawh a zim deuh avanga sak that an mamawh thu te, college chu hmun fianriala awm a nih avanga rawk a tawh fo avanga zirtirtute thawh khawma zan lama vengtu an rawih thu te, hostel-ah chawchhum (cook) an mamawh thu te, office-a thawk staff an indaih loh thu te, office (admistrative building) erawh chu NAAC Grade-A lawm tuma khuallian CM Zoramthanga tiam angin, NEC-ah leh Central Special Assistant atanga hmuh thuai an beisei thu te a sawi.
Inkawmhonaah hian MJA Serchhip Dist President C. Lalhminghlua hoin thu thar thehdarhtute an kal tha hle a ni.