Premier League club Leeds United chuan United States international Brenden Aaronson chu Red Bull Salzburg atang lalut turin inremna an ti fel.
Kum 21 mi winger hian work permit a hmuh fel hunah July 1-ah a club thar hi a zawm dawn a, an hnenah kum nga daih contract a ziak.
Leeds boss Jesse Marsch chu Austrian league a Salzburg a enkawl laia Aaronson lalut tu hi a ni a,a hnuaiah United States Men’s National Team tana vawi 18 inkhel tawh hian Marsch hnuaiah league leh cup chawi kawpin tun season-ah pawh a team in an chawi kawp leh nan a thawh hlawk hle.
Attacking midfielder leh winger anga khel thei Aaronson hian ram tan vawi 18 inkhel tawhin goal nga a khung tawh a. Tun season-ah club tan inelna hrang hrangah vawi 41 inkhel in goal 6 a khung a, midang goal khung tur vawi 10 a siamsak.
A man zat hi chiang taka puanzar ni lem lo mahse Pound maktaduai 25 vel a ngaih a ni a, vawi leh khatah an pe tla nghal lovang.