Hollywood star Johnny Depp-a’n a nupui hlui actress Amber Heard laka intihhmingchhiat thubuai a siam ngaihtuah leh ngaihthlak hona chu a lo tawp ta a. The Washington Post chanchinbua Amber-i thuziah chungchanga a lungawi lohna chuan tun hi a thlenpui ta.
Kum 2018 daih tawha thil thleng, In chhungkhura tharum thawhna thleng thina fihlim lo a nih dan a ziah chu Depp hian pawm t hei lovin, a eizawnna leh hmingthatna in a tawrhnaah a nupui hlui lakah hian zangnadawmna $Maktaduai 50 a phut.
Johnny hian thubuai lakah hnehna chang ta se, Amber-in engzat chiah nge a pek ang?
Johnny Depp leh Amber Heard te thubuaiah hian thlutlukna siam a la awm lo. Jury te’n Amber hian Johnny hi a timualpho ngei a ni tih an hmuhchhuah chuan $Maktaduai 50 pe turin an hriattir ang.. A nih loh vek paw’n hei aia tam emaw tlem deuh te pawh pe turin an remruatna an siam thei bawk ang.
Johnny-hi thiam loh chantir ta se, engnge lo thleng ang?
Jury te’n Amber Head hian thiam lohna pakhatmah a nei lo tiin thlutlukna siam ta ang se, zangnadawmna pawisa a pek a ngai lovang. Chutih laiin, Johnny hian court-ah a appeal thei ang. Mahse, hei pawh hi a nupui hlui laka evidence tha tawk tak a nei a nih ngawt loh chuan beisei bo tho a ni. Hei bakah hian a Amber hian zangnadawmna tam tham tak a dawng thei tlat. Depp-a’n Amber a khin hnu-ah actress hian a pasal hlui hi $Maktaduai 100 in a khinglet a, hei pawh hi intihhmingchhiatna case tho a ni.