Film tlangzarh hmâ hauh atang tawha boruak nei lian leh sawi hat hat tling ni mah se, Kangana Ranaut channa, ‘Dhaakad’ chu Box office-ah a flop chian ghle a, tlangzarh atanga ni 8-naah Rs 4,420 chiah a hmu.
Bollywod superstar inlanna hi inrinni khan rampumah ticket 20 vel ema lek hralh chhuah niin media hrang hrangin an tarlang a, spy-thriller film hi ramchhunga cinema hall 2200 chuangzetah tihchhuah ni mah se, entu mipu lawm a hlawh loh bakah critics lamin an chhuah chhiat bawk vangin mipui a ko khawm thei ta lo a ni.
Dhaakad f ilm-ah hian Agni (Kangana Ranaut) hi ITF tana field agent thawk anga inlanin, misual dahbo an nih theihna tura a ruk taka chetchhuahna a ni.
Trade analyst Ramesh Bala chuan, ‘Dhaakad’ hi tlangzarh Ni khan cheng nuai 50 hmu chhuakin, a rei tial tial a, a zuih ral tial tial niin, a tarlang. Vanduaithlak takin, tlangzarh ruala tihchhuah Kartik Aaryan channa, ‘Bhool Bhulaiyaa 2’ chu ticket counter lamah an lo inchuh luih luih bawk si a, kawng engkimah a phak loh bakah a tlakchhiat phah ta a ni.