Ukhrul, Manipur-a neih zawh tak, India ram chhunga rock conctest ropui ber ni bawk SHIROCKFEST-ah Mizo band ‘The Prophets’ chu pakhatna an ni.
Kum 2017 atanga kalpui tawh SHIROCK International Music Festival ni bawkah hian The Prophets hi winner-a puan an ni mai lova, band member Samuel-a’n Best Keyboardist Award a dawng.
The Prophets te hi 2010 a in din tawh niin an in din tirh atang hian mizoram mai ni lo india ram hmun hrang hrang ah Winner lo la tawh in heng Contest lian tham Hornbill, NIT Thundermarch, Pyrotechnix etc ah te Pakhatna an lo la nual tawh bawk a ni. Mizoram chhungah pawh award tam tak lo dawng tawhin nikum mai pawh khan Thazual Award Band of the year an la nghe nghe!
An band member Vocalist Frederick (Durtlang) niin, Guitarist Eric Renza (Electric Veng), Drummer Mamoia Colney (Chhinga Veng), Bass Gordon (Electric Veng) leh Keyboardist Samuel (Tuikual) te niin Mamoia Colney, Eric Renza leh Samuel te phei hi chu Mizoramin a kan musician neih that ber leh Session player sawm hlawh ber pawl an ni nghe nghe.
Mamoia Colney leh Eric Renza phei chu mimal chawimawina Lelte award ah best Musician lo la fo tawh an ni.
An original vocalist Ronnie hi 2018 a Shirock Contest ah tho Reverse Tragedy (Mizoram) band puiin Winner leh Best Vocalist ala nghe nghe a, hemi vang hian organizer lam ten a tel an rem tih tawh loh avangin Sound From the hills leh Scavenger Project Vocalist Frederick an hmang ta ani.
Shirock band intihsiakna May 25-28, 2022 neih ah pakhatna in cheng Nuai 10 an hum haw a, pahnihna kutah cheng nuai 5 hlan niin, pathumnain cheng nuai 2 sing nga an ak haw bawk. Individual prize siam a ni a, cheng singhnih leh sangnga hlan an ni.
SHIROCKFEST hi hripui len lai 2020 leh 2021 tih lohvah chuan bultan phat atangin kumtin neih thin a ni a, chhimtu leh tlawhtu an thahnem thei hle. Fest huaihawt a nih chhung zawng hian nitin mi singthum atanga singli vel pungkhawm anga chhut a ni hial.
Manipur Tourism Department buatsaih a ni a, state pangpar hlu tak leh khawvel hmun danga awm lo ang hiala sawi Shirui Lily pangpar danglam leh dangdai tak humhalh leh chawilar bakah thalai talent nei tha tak tak phochhuahna ni pah fawmin he festival ropui leh hlut hlawh tak hi an kalpui thin.