Aizawl : India ramah Mizoram chu nausen kum khat hnuailam thi (Infant Mortality Rate) tlemna ber state a ni.
Sorkar laipuia sample registration system (SRS) Bulletin, May 2022-a tihchhuahin a tarlan danin Mizoram chu kum 2020 chhunga Nausen kum khat hnuailam thih tlem berna state a ni a. Nausen kum khat hnuai lam thi zat tehna -Infant Mortality Rate- (IMR) tih niin, nau piang 1000 zela nausen thi zat atanga teh a ni tih sorkar thuchhuah chuan a tarlang a. Nikuma SRS Bulletin chhua- kah Mizoram leh Nagaland chu nausen kum 1 hnuailam thih tlem berna state ve ve nia tarlan niin, tuntuma chhuakah erawh Mizoram chauh IMR hniam ber a nih tuh tarlan a ni ta thung.
Mizoram dawtah Nagaland, Sikkim leh Goa te an awm. SRS report-a a lan danin kumtina Mizoram IMR chu – kum 2016-ah 27; 2017-ah 15; 2018-ah 5; 2019-ah 3; kum 2020-ah 3 a ni a. IMR hi rampum leh state chhung mipui nawlpui hriselna dinhmun tehfung pawimawh tak a ni.