BJP Mizoram Pradesh thalaiin kar kalta Zirtawpnia Excise & Narcotics department-in Mizoram siam Grape Wine an man chu mak an tih thu sawiin, Grape chinga eizawngte hmakhua a thim hlea an ngaih thu an sawi.
Mizorama Kuthnathawktute Grape thar aṭanga siam Grape Wine man sak an ni chu mak an tih thu sawiin, BJP thalai chuan kuthnathawktute rahbehna lian tak, kuthnathawktute harsatna lian tak siamna a nih thu an sawi a. Kuthnathawktute harsatna sutkianna tur a rang lama ngaihtuahsak turin Mizoram sorkar an ngen.
“Chief Minister Zoramthanga’n sorkarna an siam huna vai buh kan rin tawh dawn loh thu leh ei leh bara intodelh a ngaihpawimawh thu a lo sawi lawk tawh tih BJP thalai chuan sawiin, “CM thusawi chu an term tawp dawnah pawh a thlen dik theih loh laiin, thingtlang mite eizawnna rapbet zawng leh tiṭhuanawp zawng zawka MNF kaihhruai sorkar a kal hi a mak kan ti a, a ram mite ngaihsakna tak tak nei lo leh mahni hlawkna chauh um an ni tih hi an chet dan hian a tilang chiang hleah kan ngai” an ti bawk.
BJP thalai chuan “Mahni thutiam pawha ding thei lo CM leh sorkar hnathawk leh mipuite beidawnna belhchhahtu MNF kaihhruai sorkar hi Mizoram mipui hian Mizoramin leirem kan rah ve theihna tur atan hnawl a hun ta hleah kan ngai” an ti bawk a ni.