Rinthu No. 5: Anti-ageing cream hi a man to poh leh a tha a ni mai
Tu in nge sawi a? Thil man hian a that bikna a chhawm tel kher lo. Anti-ageing cream i lei dawn anih chuan company tha leh rintlak siam ngei ni se, chu bakah an thil siam-a an hman te kha en uluk hle bawk ang che.
A hmasa berin, AHA (alpha hydroxyl acid) leh Retinol a tel ngei ngei tur a ni. AHA hi vun-ah thuk taka lutin, a timawm a, a chawm zo hle. Retinol phei hi chu vun chuar leh vuai tur tikhawtlai theitu ber a ni.
Rinthu No. 4: Ka nu ang chiah-in ka vun pawh hian tar (vuai) hun a la nei ang
I nu kha kum 20 vel anih kha chuan, tun angin khawvel sik leh sa boruak te hi a \awp ve lova, rilruhahna tur em em pawh an nei ngah lem lova, dawr-a ei theih mai, ‘fast-food’ pawh a thei te tan lo chuan ban phakah a awm ngai lo. Zial zu pawh an tam lutuk lem lo bawk.
Ni e, tar chungchangah hian inthlahchhawnna (gene-tics) hian kawngro a su ngei mai, amaherawhchu, khawsak leh nun dan (lifestyle) hian vun hriselnaah nghawng nasa tak a thlen a, i awmdan a dik lo anih chuan i tar hmâ dawn tihna a ni.
Chuvang chuan, invenna hi inenkawlna aiin a tha daih zawk a, darthlalang hmâa i thâwk hruih hruih hma ngeia theih tawpa inuluk a ngai a ni.
Bungraw fakna lam ni lovin, kum tam tak chhung mithiamte’n an lo zirchian tawhna atanga a lan danin, Pond kutchuah, ‘anti-ageing’ te hian fak a hlawh hle a, an sawi dan takah phei chuan- nisarih chhung lekin a thatna a lo lang mai dawn tih a ni. Nimahsela, lifestyle i uluk chuan si loh chuan awmzia a nei chuang lovang tih i hre dawn nia.
Pond’s Beauty Council Member-a Dr. Rashmi Shetty chuan, “I vun leh an hun laia i nu vun kha a inang deuh thuak a, amaherawhchu, khatih lai kha chuan lifestyle a danglam em em a ni. Tunah chuan sik leh sa, boruak a tha tawh lova, vun pawh hian enkawl uluk a mamawh lehzual a ni,” a ti.
Facial foam hman a him a, pâwn chhuah dawn reng rengin sunscreen inchulh ngei ngei bawk tur.
Rinthu No 3: Kum 30 ka tlin hunah chauh ‘anti-ageing’ cream hi ka hmang ang
A mak thin mange aw… Kum 20 chho velah hian tam tak chuan hmai chuar te hi an chunga thleng ve lo turah an ngai a, anti-ageing cream hi a rim a ra pawh an hre lo. Mahse, vun mam leh no sar mai kha nakin maiah chuan a chuar dawn chu a ni si a le!
Dr. Shetty chuan hemi chungchang hi sawiin, “Upat-na (tar) kan tiha hi kum 25 atanga intan thei a ni a, Ni sa lak atanga vun venhim hi a ngai tawp. Hei vang hian Sunscreen hi hnawih ngei ngei tur a ni a, hetah hian vun awmdan a zirin duhthlan tur a awm nual a ni,” a ti.
Sunscreen-ah hian a that dana hi SPF-a teh a ni a, a thenah chuan PAA++ tihte’n a awm a, hei hi Ni zung chak tak, UVA rays a lo dannaa a theihna entirna a ni a, + a tam poh leh ranking pawh a sâng tihna a ni.
Rinthu No. 2: Ka vun hi a mawm a, chuvang chuan ‘anti-ageing’ cream hi ka mamawh lo
Khai khai khai, i ‘risk’ huai deuh mah mah a ni.
Anti-ageing cream hi i mamawh tho tho. Vun mawm i neih vang mai khan Ni zung lo kal leh boruak tha lo tak tak lak atangin a venghim reng reng lo che ania aw.
Company hrang hrangin anti-ageing cream tha tak tak an siam te hi tawngpawng hman a him lova, i vul mil i hriatchian a, a tul dan a zira mithiam te thurawn lak a pawimawh bawk ang. Chu chuan inchhirna a thlen lovang che.
Rinthu No 1: ‘Exer’ ka la tha a, ei leh in ka duhtui bawk a, ‘anti-ageing’ cream a tul lo
Khua a var thei lo a ni ber e! A lo mak thei ngei mai. I thil chin thin hi thil tha leh fuh tak a nih rual hian, damchhungin i tleirawl thei si lo a ni.
Heng cream te hian vun-a awm cell te hi vun pawn lama nawr chhuakin, chu chuan ‘collagen’ a siamte chu a tipung a, vun a tino sar a, a timawi a, ni zung lakah indo a puang thei a, malsawmna tam tak a thleng bawk a ni.