Rihna tihniam thei tui hi rihna tihhniamnan thil tha berte zinga mi a ni. a chhan chu, calories tam tak awmna soda, juice leh zu te hi calories awm lohna tui hian a thlak thleng vek theih vang a ni. Tin, riltam nia kan inngaih hi a nihna tam takah chuan tui hal vang a ni fova, riltam tihziaawmnan pawh tha tak a tling. Tin, tui-ah hian thau (fat) a awm lova, calories a awm lova, sugar leh carb a awm lo bawk a, thau tih-ziaawmana hmanraw him ber a ni. Hunbi nei takin in thin ang che.
Lung tan malsawmna hunbi nei taka tui intam hian lung natna (heart attack) awm tur nasa takin a veng thei. Kum ruk zet zirchian a nih hnu-a Journal of epidemiology-a a lan danin, nikhata tui no nga aia tam inte zingah nikhata tui no hnih leh a aia tlem in te aiin, lung natna vang thih theihna ‘chance’ hi 41% zetin a hniam.
Chakna hnâr tui in ngai lohna hian taksa chakna a hip ral duak thin a, chu chuan chauh ngawih ngawihna a thlen. I tuihal anih chuan tui mamawhna a sâng hle tawh tihna a ni a, hei hian – ngui, chak lo, luhai leh harsatna dang tam tak a thlen nghal thei.
Lu nâ tan damdawi tui tlak chhamna hian lu na a siam rang hle a. a nihna takah chuan, eng emaw hlek-a lu na lo awm thina hi tui in tam tawk loh vang a ni fo. Lu natna chhan tam tak chu a awm teh meuh mai, chutih laiin, tui in that loh vang hi a kai-kuang lian berte zinga mi a ni.
Vun tan malsawmna Vun a tino sar thei a, hei vang hian a lawm, hunbi nei leh pangngai taka tui inthin te’na an vuna danglamna lo awm an sawi chhuah fo thin ni! Zan khat thil thu-a thleng thei erawh a ni lo. Pangngai taka in thin anih chuan, thlakhat hnu-ah thil mak chu i mit ngeiin i hmu ang.
Pumpai tinuam Chaw pai tawihna (digestive system) hian chaw leh thil chi hrang hrang a pai tawih theih nan tui a mamawh em em a, pum insawiselna te pawh hi tui hian a tidam thei bawk. Man chawi ngai miah lo a nih laia, in that loh vanga damdawi man atan kan insensohna hi a van rapthlak tak em! Zing i thawh veleh tui lum pip pep in thin ang che.