Aizawl: Sialsuk Primary Health Centre-a damlo pakhat thihnaa mawhphurtu, Dr Linda Lalbiaknungi chu nimin khan a hna atanga chawlh lailawk tirna thupek Health & Family Welfare Department-in a tichhuak.
Dr. Linda Lalbiaknungi chawlh lailawktirna hi R. Lalramnghaka, Secretary-in a tichhuak a. An puhna chungchang hi chik taka ngaihtuah niin a chungchang ngaihtuah a nih chhung hian Aizawl-a awm reng tura tih a ni a. Health Secretary ramtihna lo chuan Aizawl chhuahsan lo tura tih a ni bawk.
Tun hnaia social media-a a lan danin, Sialsuk PHC-a damlo enkawl lai mek, Lalrengpuia chu pawisa bo chungchangah an inhmuh thiam loh avangin Dr Linda Lalbiaknungi hian damdawi in attangin a chhuahtir a. A hnu lawkah Lalrengpuia hi a thi a ni.
Nilaini khan H&FW Dept chuan he thihna chungchang chhui chiang turin thupek a tichhuak a. Aibawk BDO Chinlianmanga chu chhui chiang tura ruat niin, a chhuina report hi June 10, 2022 ral hmaa theh lut tura tih a ni.