Manchester United in season duhawm lo tak an hman hnuah an squad siamthat hna an thawk tan a. Senior player te chhuahtir chhunzawm zelin attacking midfielder Juan Mata pawh a chhuak dawn.
Spanish midfielder hian tun nipuiah contract a neih a hmang zo dawn a, a ziah belh tawh dawn lo.
Kum 34 mi hian kum 2014 khan Chelsea atangin a hunlaia club chanchin a player manto ber ni turin Pound maktaduai 37.1 in United hi a zawm a. Spain tana 2010 World Cup chawi tawh Mata hian United tan vawi 285 khel tawhin goal 51 a khung.
Tunhnaiah squad chhunga tawnhriat nei tha zingah tel mahse inkhelhna hmun a chang tam lova, season liamta khan Premier League match sarihah ah chauh a inlan.
United tana a khelh chhungin trophy pali a chawi a, kumj 2016 khan FA Cup la in 2016-17 season-ah Community Shield, League Cup leh Europa League te a chawi.
United chuan a chhuah tur thu hi sawiin an player, a nungchang bakah khawtlanga midangte tana a hnathawh \hin avanga fak hlawh tak Mata chu, “United tana kum riat chhung i theihtawp i hlan avangin i chungah kan lawm a, he club ami zawng zawng hian i kal zelna turah duhsakna kan hlan che.” tiin an thlah.
Lingard pawh
Thawhlehni zan khan Manchester United hian England midfielder Jesse Lingard pawh a chhuah tur thu an sawi chiang.
Kum 29 mi hian Red Devils tan vawi 232 khelin goal 35 a khung hman a. 2020-21 season chawhnu lama hlawhtling taka loan a hawhtu West Ham United in lakluh tumin an ngaihven mek.
Lingard hi London Stadium-ah loan a a chetthat avangin United in a contract a kum hnuhnung ber hmang zo turin season liamta khan an chelh a. Nimahsela Premier League match hnih chiah inkhel bul a tan.
January thla khan lakchhuah tum a ngaihventu nei mahse United hian chhuah an phal lova, Lingard hian club thutluknaah a lungawi lo tih a lo sawi chhuak tawh.