An ram indona boruak rit takin a chiah reng chungin Ukraine football team in pasaltha rilru pu in hnehna an sual chhuak a. Scotland lakah 3-1 a chakinWorld Cup play-off final-ah Wales nen an inkhel dawn.
Hampden Park a inkhelah Andriy Yarmolenko leh Roman Yaremchuk ten halftime hma leh hnuah goal an khung a. Callum McGregor chuan Scotland tan goal khatin a chhanglet. Mahse tawk zo lovin Artem Dovbyk chuan huntawp dawnah an goal thumna a khung ve leh,
Pathianni zan dar 9:30-ah Ukraine hian Cardiff City Stadium-ah Wales an hmachhawn dawn a. Nilaini zanah Wales hian UEFA Nations League-ah 2-1 in Poland an hneh lo.