Mizoram Super League season 7 match hnihnaah Tuikual South Basketball Club in quarter hnuhnung bera an chet that an chhawr a. 88-73 in Chawnpui Basketball Club an hneh.
MSL7 match hnihnaah Tuikual South leh Chawnpui te offense-ah an inthlau lova. Point an in score chhawk fova, quarter thum chhung an intlansan thei lo.
Halftime zawhah point 6 in Tuikual South an sang zawk a, hei hi 3rd quarter-ah Chawnpui in point 20 score in an chhanglet a, 4th quarter khelh dawnin an intluk.
Quarter hnuhnung berah erawh Tuikual South an chungnung hle a, an khingpuiten point 15 an score laiin anni in 30 an score.
Tuikual South tan Lalnunpuia’n point 40, rebound vawi 9 leh steal vawi 3 a nei a. Darrell Bowie chuan point 14 leh assist 15 neiin inkhel kaihruaitu berah a tang. Dennis Lalmuanpuia chuan point 11 a score bawk.
Chawnpui tan Laltlanhlua chuan point 16 a score ve bawk.