Kumin April – June thla chhungin Mamit district-ah MGNREGS hnuaiah ni 28 inhlawhna siam tawh a ni a. Mamit district-ah Job card 22085 a awm mek.
Sorkar thuchhuahin a tarlan danin, Jal Jeevan Mission (JJM) hnuaiah Mamit district-a khaw 73-a chhungkaw 9825 te chu tui connection pek an ni tawh a. School 291 leh Anganwadi 287-ah tui connection pek a ni bawk.
Samagra Shiksha, Mamit district hnuaiah zirlai 11412 ten a thlawnin uniform an dawng a, naupang 11994 hnenah a thlawna textbook pek a ni.
Kumin April atanga May thla inkarah Mamit district-ah nausen thi 6 awmin, Infant mortality rate 28.2% a ni a. Kumin January – May-ah TB vei thar 21 hmuhchhuah niin, TB leh HIV vei kawp mi 2 hmuhchhuah an ni a. Kuminah Malaria vanga thi Mamit district-ah an la awm lo.
Serchhip district-ah kumin April – June ah MGNREGA hnuaia ni za inhlawhna ni 36 siam a tawh a, Job cards 15586 a awm mek a. Jal Jeevan Mission (JJM) hnuaiah khaw 36-ah hmalak mek a ni. National Food Security Act hnuaiah Serchhip district tan thlatin buhfai, AAY tan quintal 680, PHH tan quintal 2295.45 a vaiin quintal 2981.45 lakluh thin a ni a, Covid19 vanga central atanga tanpuina PMGKAY hmangin buhfai quintal 2553. 80 sem a ni bawk.
Serchhip district-ah hian Pradhan Mantri Ujjwala Yojana hnuaiah Gas connection mi 1383 te pek an ni tawh a. Nikum October atanga kumin May thla inkarah Infant mortality rate hi 13.8 niin, maternal mortality rate 0 a ni thung.