Rotary Club of Aizawl-in nimin khan zirlai naupangte tan a thlawnin tarmit an sem. A thlawna tarmit sem hi Rotary India Literacy Mission leh Vision Spring te hmalakna avanga hlawhtling niin an sawi.
Nikum October thla khan Rotary lam chuan hemi chungchang hriattirna an tichhuak a, Mizorama district hrang hrang atanga dilna lut te chu endik a nih hnuah naupang 100 chuang a thlawna tarmit dawng tur thlan an ni a. Nimin khan Aizawla Adventist Hospital-ah Rotary Club president kalchhuak Dr D Baruah-a’n naupangte hnenah club aiawhin tarmit chu a hlan a ni.
Rotary Club of Aizawl-in a thlawna tarmit dawng tura a thlan zinga tarmit la dawng lo te chuan Pathianni atanga Ningani zing dar 9 atanga tlai 3 thlengin Aizawla Adventist Hospital-ah lam theih a ni tih an sawi bawk.