Aizawl : Thekpui, N. Khawbung, Dungtlang leh Vapar khuaa Vawk engemawzat thi te thih chhan African Swine Fever (ASF) a ni tih finfiah a nih avangin heng khua te hi Vawk pul hri ASF lenna hmun ‘infected area’ ah a puan a ni.
Sorkar thuchhuahin a tarlan danin heng khaw pali te nen hian Champhai district chhunga khua/veng 28 te chu Vawk hrilenna hmunah puan a ni mek a. Khua/veng 6 atanga sample lak result ngaihchan mek a ni bawk.
A.H & Vety department-in a chhinchhiah danin ASF hrileng thawhhnihna kumin February atanga a intan leh hnuah Champhai district-ah May ni 24, 2022 thleng khan Vawk 2983 an thi tawh a, fimkhur thua Vawk suat 3312 awm tawhin, Vawk thi leh fimkhur thua suat tawh zawng zawng 6295 a tling tawh a ni.