Arsenal in Leeds United wide forward Raphinha chu lakluh tumin ke an pen tan a. Lei tum a dilna Yorkshire club hnenah hian an thehlut.
Leeds United in Gunners hnen atanga lei dilna hmasa ber hi an dawng tawh a, mahse season liamta a Premier League goal 11 khung Brazil forward man an beisei leh Arsenal dilna a inthlau hle a, hnawl ni ngei tura ngaih a ni.
Kum 25 mi hian Leeds United hi kum 2020 khan French club Rennes atangin a zawm a, England-ah a chetthat avangin Premier League club dangte ngaihven a hlawh hle.
Amah Raphinha hian Barcelona in an ngaihven ve ni a sawi a nih avangin Spain lam pan theihna a awm chuan a duh zawk niin an sawi tel a, mahse Barcelona hian lalut turin sum an nei dawn em tih hriat a ni lo.
Leeds United tan Premier League match 60 khel tawhin goal 17 leh assist 11 a nei a. Season thara Premier League khel tura an inhamtanna goal Brentford laka khungtu a ni.
Gunners hian an tlarhma a khel tur player an la dap chhunzawm zel a, Manchester City atangin Gabriel Jesus pawh an ngaihven bawk a, Raphinha an dawrna erawh la kal zel tura ngaih a ni bawk.