Mizoram Premier League club pariatten inremna nei

Mizoram a football inelna sang ber Mizoram Premier League season thar khelh chhunzawm tur atan Mizoram Premier League 9 khel tur club pariatte an inhmukhawm a. Season thar khelh tur chungchang leh thil chi hrang hrang sawiho.

MPL club tin atangin aiawh pahnih zel kal khawmin season thar a clubten an zawm theuh tur inremna thuthlung an duang a, chu chu club tinte’n kan pawm tlang vek.

He inremna leh intiamkamna hi MPL hmasawn zel nan leh State League daih rei zawk leh tlo zawk Mizoram in a neih theih nan club tin ten thahnemngai a inringtawn chungin an ziak.

He inremna hian Mizoram Premier League (2022-2023) chhung bik a huam ang.

MPL club-te hian thuchhuah siamin, “MPL-ah hian club tam zawk hian sponsorship leh donor/company lian thawhpui changtlung tak kan nei lo a. Khawtlang leh mimal inphalte thawh khawma harsa taka Mizoram football hmasawnna tur atana kal hram hram vek kan ni.”

“Covid 19 vangin sum hmuhna tam takte pawh a lo tawp ta. Hei vang hian uluk taka hma lam hun ngaihtuah ngaiin MPL club-te chuan kan hria a ni.” tiin an sawi.

MPL Club pariatte inremna :

  1. Coach leh player hlawh atan Rs. 10 lakh (Nuai 10) aia tam hman loh tur a ni.
  2. Player pakhatin thla khatah Rs. 15,000 aia tam hlawhtir loh tur.
  3. Inter-State player leh foreign player lak loh tur a ni.
  4. Coach leh player hlawh bikah Mizoram Police FC chu an dinhmun a danglam avangin hriatthiam an ni ang.
  5. Sum kan hman dante hi endik theih tura vawn a ni ang a, chu chu MFA-in a audit ang. Thutiam bawhchhia kan awm a nih chuan a tul an tih angin MFA-in action a la ang.

MPL Club-te :
AIZAWL FC, CHANMARI FC, CHAWNPUI FC, CHHINGA VENG FCELECTRIC VENG FC, FC BETHLEHEM, FC VENGHNUAI, MIZORAM POLICE FC

Leave a Reply

Your email address will not be published. Required fields are marked *

error: Content is protected !!