India-ah coronavirus kai hmuh an pung chhunzawm zel a, darkar 24 liam ta chhungin mi 13,313-in an kai tih hmuh niin a hma ni chiah khan mi 12,249 an ni tawh thung.
Union healhth ministry-in a chhinchhiah dan chuan darkar 24 liam ta chhung hian mi 10,972 enkawl dam leh hman an ni a, mi 4,27,36,027 enkawl dam tawh niin a kai hmuh tawh atanga chhutin 98.6% an dam tawh.
Hri kai hmuh an pun mek laiin enkawl lai pawh an pung zel a, mi 83,990 enkawl mek la niin a kai hmuh tawh atanga chhutin 0.19% an ni mek.
Health ministry chuan darkar 24 liam ta chhunga sample endik zinga 2.03% chuan hri an kai tih hmuh a nih thu leh chawlhkar khat liam ta chhunga endik zinga 2.81%-in an kai thu a tar lang.
Darkar 24 liam ta chhung hian mi 38-in hri leng hi thihpui leh hmanin mi 5,24,941-in an thihpui tawh.
Hripui a len atangin India-ah hian sample vaibelchhe 85.94 chuang endik tawh niin darkar 24 liam ta chhungin sample 6,56,410 endik a ni.
Invenna pek beihpui thlak kal zelah vaccine dose vaibelchhe 196.62 pek a ni tawh a.
Hri kai hmuh an pun leh hnuah June 9 khan health ministry chuan state tin chu invenna an lak thlak tawhte hmang thar leha fimkhur thar leh tura tihna thu a lo thawn tawh a ni.