AH&Vety Secretary Lalzarmawii chuan nimin khan AH&Vety Council Conference Hall-ah 1962 Call Centre a hawng a. Centre hi a mamawhtu apiangten veterinary doctor-te an rawn theihna tura duan a ni.
Call Centre-ah hian thawktute paruk - Call Centre Executive (Veterinary Doctor) pakhat, IT Support staff-1, leh Call Centre Agent 4 (VFA) an awm a. An hlawh hi India sorkar tum vek tur a ni. Call Centre-ah hian toll free number +913892314226 dah a ni a. He number hi telephone service provider (TSP) zawng zawngin animals in distress short code 1962 hmanga biak theih turin ruahmanna an siam dawn a. Toll Free number dial kher lovin awlsam takin 1962 dial in call centre hi biak theih a ni dawn a ni.