Leicester City midfielder Kiernan Dewsbury-Hall chuan a seilenna club-ah a hma hun a thlung nghet a, kum nga daih contract thar a ziak.
Kum 23 mi hian kum 8 mi a nihin kum 2006 khan Foxes hi a zawm a, kum 2020 khan first team tan a vawikhatnan a inkhel.
Hemi hma hian loan in Blackpool leh Luton-ah te a inchherhriam a, season liamta khan first team player pawimawh niin inelna hrang hrangah vawi 44 a inkhel a, goal thum a khung.
“Ka hlim a, he club a ka inkhel zel tur hi ka lawm hle. He contract hlawhchhuak tur hian rim takin ka thawk a, ka puitlin thei hi ka tan thil lawmawm tak a ni. Tunah chuan beiseina sang tak nen hmalam ka thlir tawh.”
“Kum 8 mi ka nih atanga ka inpui ni tawh football club a ni a, contract thar ziah hi ka tan inngaihtuah buai ngai a ni lo.” a ti.