AIZAWL: Khawzawl Bawrhsap CC. Lalchhuangkima’n nimin khan National Highway 6 siam mek, Khawzawl leh Tuichang inkara kawng laih leh leiminin chhiatna a thlente tlawh in, company-in leivung an paihnate a enfiah a. Harsatna chinfel dan tur leh hmalak zel dan tur company hotute a sawipui.
Khawzawl Bawrhsap chuan kawng laih hnathawktu company-te chu mipuite tana hlauhawm lo tur leh harsatna siam lo tura leivung paih tur leh mipui dinhmun hrethiam turtein a hrilh a. Tha taka hnathawk tur leh duhthusam lo laite pawh siamtha leh turin a hrilh bawk.
Kawng siamtu company hotute chuan mimal ram neitu ten harsatna an thlen thenkhat te leh harsatna an neih dang te Bawrhsap hnenah chuan an lo hrilh a. Leivung paihna hmunte enhovin ruahmanna an neihte pawh hrilhin, an sawiho nghal bawk a ni.