Aizawl : Aizawl North II bialtu MLA Dr. Vanlalthlana’n Ramhlun Venglaia Public Higher secondary school felicitation-cum-freshers’ social hmanpuiin, zirlaite chu thian kawm fimkhur turin a chah.
Dr Vanlalthlana chuan zirlaite chu zirlai tibuai tur khawp thildang buaipui rih lo tur te, mahni kalna kawng zirchiang tur te, zirna kawngah hlawhtling tura taimak chhuah turte, intodelh tura lehkha zir turte, ram leh hnam theihnghilh lova humhalh tlat chunga an zirlaite zir tur te in a fuih a. Zirlai pass thar te hnenah lehkhabu 'Zirna Kailawn' a pe bawk.
AMC Ward III bialtu Councillor C. Lalchhandami pawhin he hun hi hmanpuiin, principal leh staff te thawhrimna lawmawm a tih thu a sawi a. Zirlai pass thar te chu ram leh hnam tana chhenfakawm ni tura ṭan la turin a chah bawk a ni.