Rock star lar tak tak zingah dam khua sei lo an tam a, hmâ takah khawvel an chhuahsan thin, tih chu thu mai ni lovin a taka hriat theih turin mithiamte’n an chhuichhuak.
Liverpool-a John Moores University chuan US leh European rama artist 1,050 an zirchiannaah heng ram chhunga cheng mi pangai te aiin a let hnih zetin an thi hmâ an ti tlat mai.A pumpui anga chhut dawn chuan, 1956-2015 inkar khan milar 100 chuang an thi a, heng mite hi a tlangpuia chhutin kum 42 mi niin an boral a, Europe-ah 35 a ni thung.
Tin, an thihnaah hian mi pali zela pakhat hi drug leh zu vang niin, Epidemiology & Community Health Journal-in a tarlang bawk.
NME music magazine news editor, Paul Stokes chuan, “Buaithlak ber maia chu, rock star te hian an lar phat atanga kum khat pawh a ral hmâ in an duh a piang neih an tum a, harsa lo takin an hmu zung zung a.
“Tichuan inthununna hloh tanin, an mizia leh cheziaahte a lo lang chhuak nghal a, an nunah harsatna lian tak a thlen ta thin a ni,” tiin a sawi.
ROCK STAR LAR, DAM REI LO TE
Jim Morrison (27)
Jimi Hendrix (27)
Kurt Cobain (Nirvana) – (27)
Janis Joplin (27)
John Bonham, Drummer (Led Zeppelin), 32
Cliff Burton, Bassist (Metallica), 24
Randhy Rhoads, Guitarist (Quiet Riot & Ozzy Osbourne), 25