Hmasawnna a muan deuh bakah intihsiakna thlipui na tak vangin Netflix chuan kumin a vawihna ni turin thawktu mi 300 chuang a ban.
Netflix hian May 15 khan mi 150 a lo chawlhtir tawh a, subscribtion a tlakhniam chak bawk si vangin thawktu cut then phawt chu tha berah an ngai a, heti hian thawktu zaa 4% chu an thlawn ta phawt mai a ni.
Kum tam tak an hlawk thur thur hnu ah April thla liam ta khan a vawikhatna nit turin company chuan subscriber a hlot ta teuh a, hmalakna thar duan mekah advertisement service awm thei tur leh password in share chiam thin titawp turin hma a la ang.
Netflix hian tla hniam duai duai angin lang mah se, khawvelpuma streaming market-a hmahruaitu a ni reng tho a, tunah hian subscriber maktaduai 220 chuang neiin, a la hawi ‘champ’ hle.
A elpui- Disney Plus leh Amazon’s Prime Video te’n harsatna siam viau mah se, tun dinhmunah chuan a ler ah a awm tho.