Barcelona chuan Bayern Munich leh Poland striker Robert Lewandowski, 33, lei dilna mumal an thehlut tawh a, Pound maktaduai 34 vel hu a ni. (Telegraph)
Portugal captain Cristiano Ronaldo, 37, chuan Manchester United in tun nipuiah manager thar Erik ten Hag hnuaia player an la lalut miah lo chu ngaihthatthlak loh a ti a, Old Trafford chhuahsan mai a hreh lo. (Record)
Bayern Munich in Lewandowski an hralh chuan a hmunruak hnawhkhat turin Ronaldo hi lakluh an hnial lo. (AS)
Manchester United chuan kum 25 mi Barcelona midfielder Frenkie de Jong chu an lei tumna an tisang a, Euro maktaduai 65-ah chhovin Spanish club hian Euro maktaduai 75 an beisei. (Marca)
Denmark midfielder Christian Eriksen, 30, chuan Manchester United a zawm ang nge Brentford-ah a cham zel ang tih a inngaihtuah. (Sky Sports)
Chelsea chuan player aiawh nena inbiakna an neih hnuah Manchester United chu Ajax leh Brazil winger Antony lalut turin an el dawn. (Football365)
Manchester United, Chelsea leh Tottenham te chuan Atletico Madrid leh Belgium winger Yannick Carrasco, 28, chungchang an zirchiang a, tun nipuiah Euro maktaduai 60 a leichhuah theihna a nei. (AS)
Tottenham forward Son Heung-min chu Real Madrid ngaihven zingah a tel a, Los Blancos in an tlarhma tihchak nan tun nipuiah an duh. (Rudy Galetti)
Juventus a khel Matthijs de Ligt chuan club hnenah chhuah dilna a thehlut a, kum 22 mi hi Pound maktaduai 68 a lei theih tura ngaih a ni a, Chelsea in an ngaihven uluk. (Corriere dello Sport)
Inter Milan defender Milan Skriniar chuan Paris Saint-Germain a insawn a hnial lova, kum 27 mi hian Milan a cham rilruk mahse Inter in sum an mamawh avang leh PSG nen inbiakna an neih hnuah Paris lam pan a hnaih sawt. (La Gazzetta dello Sport)