Aizawl : Vawk pul hri African Swine Fever (ASF) vangin Mamit khawpui chhungah Vawk 451 suat tawh niin, ASF kai Vawk thi 629 nen Mamit khawpui chh- unga AFS vanga Vawk suat leh ASF kai Vawk thi tawh zawng zawng 1080 a ni.
AH & Vety Deptt-in a chhinchhiah danin, Mamit district, Mamit khawpui pawn lamah ASF hrileng avangin Vawk 321 suat a ni tawh a, ASF kai Vawk 269 thi tawhin, Mamit district chhung, Mamit khawpui pawn lama ASF vanga Vawk suat leh ASF kai Vawk thi tawh zawng zawng 590 a ni.
Mamit district level co-ordination committee on ASF chu nimin kan an chairman Mamit Bawrhsap Lalnunhlua hovin an thukhawm a. ASF va- nga vawk suat tur nei ten zangnadawmna an dawn theihna turin Vety department leh VC hnen atangin certificate lak hmasak a tul thu an sawi.
Hri avanga Vawk thi leh suat te chu uluk taka sawngbawla phum turin Vawk phumtute leh Vawk neitute an ngen a. VC tin te pawh anmahni bial theuh vil uluk leh zual turin an ti bawk.
Vawk thi leh suat phum tur neite chu Vety department-ah report pe thin turin an ti a. Department official te chu Vawk phum leh sawngbawl dan vil zui turin committee chuan an ti bawk a ni.