UFC middleweight champion Israel Adesanya chuan a rorelna huangah hneh theitu a la tawng lova. Amah chotu Jared Cannonier chu Pathianni zingah round nga chhungin buai lovin a din tluanpui a, hnehna a chang.
UFC 276-ah kum 32 mi Adesanya hian a khingpui hi dingchunga inhmachhawnnaah kut a thlak fuh tam zawk a. In pawm chilh leh kut inthlak tawn zak zakna tam lo mahse a che vel a hnip tha zawk a. A chet ran leh a thiamna hmangin unanimous decision in a chak.
23-1 MMA record nei Adesanya hi kum 2019 a UFC middleweight champion a nih hnuah 185 pound huangah a la tlawm miah lova, champion ni chunga vawi ruk a chakna a ni a. A tlawm chhun hi light heavyweight huangah a hunlai a champion Jan Błachowicz lakah a ni.
A khingpui kum 38 mi Cannonier hi 15-6 record nei a ni a, thahrui ngah leh kutthlak na a ni a, nimahsela champion lai hi a nawr na tawk lova. Coach nei tha ve ve an ni a, gameplan fimkhur tak an neih ve ve avangin tawngpawng kut inthlak a tam thei lo.
Adesanya chuan, “An gameplan a tha a, fak loh theih an ni lo. Rang taka ka va khawih chhunzawm tura awl ka hmuh thin ang kha a awm lo.” a ti a.
A tum leh turin middleweight a Sean Strickland hnehtu Alex Pereira a cho zui a, Glory of Heroes kickboxing-ah tum hnih Pereira lakah hian a tlawm tawh.
“A vawikhatna kha ka tihsual a ni a, tunah ka hnek leh che a nih chuan i talbuai viau tawh ang.” tiin a cho.
Bout dangah Alexander Volkanovski chuan a vawi thum nan Max Holloway a hneh a, UFC featherweight championship a humhim.
Preliminary card-ah veteran Donald Cerrone chu Jim Miller lakah a tlawm a, kum 39 mi hi vawi 55 a fight-na niin MMA a chawlhsan thu a puang zui.UFC 276 Main card result
Weight class Method Round Time
Middleweight Israel Adesanya (c) def. Jared Cannonier Decision (unanimous) 5 5:00
Featherweight Alexander Volkanovski (c) def. Max Holloway Decision (unanimous) 5 5:00
Middleweight Alex Pereira def. Sean Strickland KO (punches) 1 2:36
Welterweight Bryan Barberena def. Robbie Lawler TKO (punches) 2 4:47
Bantamweight Pedro Munhoz vs. Sean O’Malley No Contest (accidental eye poke) 2 3:09