Barcelona chuan AC Milan midfielder Franck Kessie chu free transfer in an lakluh thu an puang.
Kum 2019 a Atalanta atanga Milan pantu Kessie hi tunhnai kum thum chhungin Serie A a midfielder tha ber pawlah a invawrh a. Kum 25 mi hma hun hi hun engemaw chen atang sawi a ni tawh a. Contract ziah belh a tum loh hnuah a kal lehna tur inrinsiakna a tam.
Camp Nou-ah Kessie hian medical a paltlang hnuah kum li contract a ziak a, kum khatah Euro maktaduai 6.5 hlawh dawnin a chetthat dan a zirin bonus dawn tur a nei dawn.
San Siro-ah Kessie hian hun a hman chhungin vawi 223 a inkhel a, goal 37 khungin midang khung tur vawi 16 a siamsak. Kum 2020-21 season khan Serie A team of the Year-ah thlan tel a ni.