India ramah darkar 24 liam ta chhungin coronavirus kai mi 16,135 hmuh chhuah leh hman niin mi 4,35,18,564-in an kai tawh a. Hri kai enkawl lai pung zelin mi 1,13,864 an ni mek tih union health ministry chuan a sawi.
Darkar 24 liam ta chhung hian mi 24-in thihpui leh hmanin mi 5,25,223-in an thihpui tawh bawk.
Hri kai hmuh tawh zawng zawng atangin a kai enkawl lai hi 0.26% an ni mek a, 98.54% erawh enkawl dam an ni leh tawh niin ministry chuan a sawi.
Darkar 24 liam ta chhung hian enkawl dam aia a kai hmuh an tam leh zawk avangin enkawl lai hi mi 2,153-in an pung leh hman a ni.
Darkar 24 liam ta chhung hian sample 3,32,978 endik a ni a, sample 86,39,99,907 endik a ni tawh.
Invenna pek beihpui thlak kal mek zelah vaccine dose 1,97,98,21,197 pek a ni tawh.
Darkar 24 liam ta chhunga endik zinga 4.85% chuan Covid hi an kai tih hmuh chhuah a ni a, chawlhkar khat liam ta chhunga endik zinga 3.74%-in an kai bawk.
Darkar 24 liam ta chhunga hripui avanga thi mi 24 zinga a tam ber, mi pakua chu Kerala-a mite an ni a. Maharashtra-ah mi paruk, Delhi-ah panga leh West Bengal-ah pathum an thi.
India rama mi 5,25,223 thi awm tawh zinga a tam ber, mi 1,47,940 chu Maharashtra-a mite an ni a. Kerala-ah mi 70,046, Karnataka-ah mi 40,119, Tamil Nadu-ah mi 38,026, Delhi-ah mi 26,271, Uttar Pradesh-ah mi 23,540 leh West Bengal-ah mi 21,225 an thi tawh.
Ministry chuan thi zinga 70% chuang chu natna benvawn nei an ni tih a sawi.