Aizawl : Former legislators association of Mizoram (FLAM) hruaitu ten Mizoramah inthlanna thianghlim leh felfai a awm theihna tura an hmalakna kal zelah nimin khan PC party pisa tlawhin, PC party hruaitute nen an kawm.
FLAM hruaitute chuan Mizoramah inthlanna thianghlim leh felfai a awm theihna tura an hmalaknaah political party, kohhran leh tlawmngai pawlte nena huam zau zawka thawhho a tul an tih thu an sawi a. PC party hruaitute pawhin FLAM hmalakna chu tha an tih thu leh an thlawp thu lo hrilhin, rawtna leh ruahmanna tha zawk an siam te pawmpui an inhuam thu an lo hrilh bawk.
PC party pisa-ah hian FLAM hruaitute - Vice president Dr. JV. Hluna hovin Gen. Secretary pathum - John Rotluangliana; TC. Pachhunga leh K.Liantlinga leh Treasurer Rochunga Ralte te an leng a ni.