Denmark khawpui Copenhagen-a inkahna thlen vanga mi pathum an thih hnu ah Harry Styles chuan pawikhawina bul maia concert neih tuma engkim peihfel tawh chu a cancel nghal.
Shopping centre-a inkahna thleng hi firfiaka chetna a ni chiah em, hriat la ni lo mah se, helai hmun atanga yard 500 vel leka awm Roal Arena-a concert tur a nih vangin fimkhur thilah kalpui loh mai a tithlu ta a ni.
He pawikhawihna thleng hian Styles ngei pawh a barakhaih hle a, riru hrehrawm takin a awm a, a manang hman viau.
“Copenhagen mipuite ang bawkin ka thin hi a na ngawih ngawih. He khawpui hi ka ngainain, ka ngaisang em em a, a chhunga chengte an felin, hmangaihnain min vur kha a ni a. Pawikhawihna tuartute leh an chhungte ka tawrhpui a, tun dinhmunah chuan kan zaiho thei dawn lo. Mahni theuh fimkhur takin kan inbuaipui theuh dawn nia,” tiin Harry Styles ihan Twitter kaltlangi a sawi.