Synod Bookroom chuan nimin atang khan Mizoram puma an branch leh distribution center zawng zawng leh Churachanpur-a Synod Bookroom-ah te Reduction Sale an tan a, July 16, 2022 thleng a awh ang.
Synod Bookroom Reduction Sale hi a rualin Mizoram pumah nimin zing khan tan a ni a, headquarters, Mission Veng-ah chuan Synod Moderator, Rev. Dr. Vanlalnghaka Ralte chuan Reduction Sale hi Pathian hnena hlanin Kohhran mipuiten tangkai taka an hman theih nan a hawng.
Reduction Sale-ah hian Synod Bookroom-a lehkhabu zawng zawng, Bible, Kristian Hlabu, Communion thil, Kohhran mamawh chi hrang hrang, stationery item zawng zawng leh school naupang mamawhte 5% - 80% discount-in hralh chhuah a ni.
Synod Bookroom-in Reduction Sale an neih hnuhnun ber, kum 2019 khan kar khat chhunga lei chhuah kha Rs. 1,10,48,132 lai a tling a. Kumin hian kum hmasa lama sale zatte hi khum ngei an inbeisei thu Synod Bookroom lama hotute chuan an sawi a ni.