AIZAWL: Sorkar laipuia Jt. Secretary (WM), Central Prabhari officer for Aspirational District, Mamit Umakant-a’n nimin khan Mamit tlawhin Aspirational district chungchang sawihovin Mamit district thuneitute nen an thukhawm.
Sorkar thuchhuahin a tarlan danin, ranking hnuhnungber May, 2022 ah Health & Nutrition-ah Mamit district chu 112-na a ni a, Education-ah 8-na niin, Agriculture & Water Resources-ah 72-na a ni. Financial Inclusion & Skill Development-ah 62-na niin, Basic Infrastructure-ah 6-na a ni mek bawk.
Umakant chuan Health and Nutrition parameter tehkhawngah Mamit district dinhmun a hniam viau chu pawm harsa a tih thu sawiin, theihtawp chhuah turin a concern department-te a hrilh a. Kawng chungchangah pawh ministry of road tranport-ah hmalakpui a tum thu a sawi.
Mamit district chu tourist hmun tha tak a nih thu sawiin, tourist ten hmasawnna leh nasa taka Mamit mipuite tan pawh changkanna lamah rah tha an thlen a beisei thu a sawi a. Mamit district chawikanna tura hnathawhte chu a chhawr tangkai tur mipuite hnen a thleng tha em tih a hriat theihna tura mipui aw hriat theihna tur siam a tul thu sawiin, Concern department leh Mamit district mipui (beneficiaries) awmkhawmna Whatsapp group siam turin Umakant chuan Mamit dist. official-te chu a hrilh bawk a ni.