Manchester United chuan Paulo Dybala lalut turin Arsenal an el dawn a, Juventus a contract hmang zo tawh hi free agent a ni mek a, Italy lamah Napoli pawhin kum 28 mi hi an ngaihven. (La Repubblica)
Arsenal chuan kum 2016 a an chhuahtir Bayern Munich leh Germany winger Serge Gnabry, 26, chu lakuh leh dan an ngaihtuah. (GiveMeSport)
Manchester City a khel Portugal midfielder Bernardo Silva, 27, chuan tun nipuiah Barcelona zawm a duh thu a agent a hriattir. (Sport)
Fulham chuan Pound maktaduai 20 in Sporting Lisbon atang Portugal midfielder Joao Palhinha, 26, chu tun nipui a an player lakluh hmasak ber an nih tir dawn. (Sky Sports)
Arsenal chuan karlehah Argentina defender Lisandro Martinez chungchang sawiin Ajax inbiakna an neihpui dawn a, kum 24 mi hi Manchester United in an ngaihven ve avangin inchuhna a na dawn. (The Athletic)
Manchester United chuan Barcelona leh Netherlands midfielder Frenkie de Jong, 25, man turah inremna an nei tawh a, pawisa in pek tlak dan tur erawh sawifel a la ngai a, player contract tur an la sawi lo bawk. (Fabrizio Romano)
Juventus chuan karlehah free agent pahnih France midfielder Paul Pogba, 29, leh Argentina winger Angel di Maria, 34, te an lakluhna an tifel dawn. (Fabrizio Romano)
Chelsea chuan Netherlands defender Matthijs de Ligt, 22, lakluh an hnaih a, Juventus in a man zat an beisei chu an tihhniam avangin inremna neih theih an inbeisei. (CBS Sports)
Leeds United leh AC Milan chuan Sassuolo atangin Ivory Coast midfielder Hamed Traore, 22, lakluh tumin an ngaihven. (Corriere dello Sport)
Italy midfielder Nicolo Zaniolo, 23, chuan Roma atang Juventus a zawm theih nan inbiakna a kal mek. (Nicolo Schira)