Wimbledon champion lai Novak Djokovic chuan a vawi sarihna atan champion tumin a bei chhunzawm zel a. Pathianni zanah Dutch wildcard Tim van Rijthoven chu set li chhungin a hneh.
SW19 ah a zawna vawi li na atana champion tum Djokovic hian a khingpui hi Centre Court-ah 6-2 4-6 6-1 6-2 in a hneh a. World rankings a 104-na Van Rijthoven hian set hnihna a lak ve avangin mipui tan a hlawh hle.
Grand Slam title vawi 20 la tawh Djokovic hian quarter-final ah Jannik Sinner a hmachhawn leh dawn a. Wimbledon quarter-final vawi 13 a luhna a ni a, a zawnin ATP Tour-ah grass court ah match 25 a chak tawh.
A khingpui tur Sinner hian rawlthar beiseiawm Carlos Alcaraz 6-1 6-4 6-7 (8-10) 6-3 in a hneh ve thung.