Samagra Siksha hnuaia thawkten an hlawh tihpun chungchangah sorkar atanga thu lawmawm an dawn loh avangin lungawi lohna lantir nan vawiin atangin an hnathawhna hmunah badge dum an bel dawn.
July 5, 2022-a Federation of Mizoram Samagra Employee (FEMSE) Office Bearer-te thukhawm chuan Samagra hnuaia thawkte Pay Revision chungchangah sorkar atanga thu lawmawm leh hmasawnna engmah a awm tak loh avangin July 7 atangin badge dum bel an rel.
FEMSE OB-te chuan Samagra hnuaia thawk zawng zawngte chu badge dum bel turin an hriattir a, sorkar laka an lungawi lohna chungchanga hma an lak zel dan tur chu FEMSE Council Extended Meeting-in a rel leh dawn bawk.