Lionel Messi chuan December thla hian Mumbai khawpuia Wankhede Stadium-ah cricket a khel dawn niin an sawi.
Argentina superstar hian football boot dah thain India-ah hian cricket bat a hum thung dawn niin an sawi a. Ruahman anga thil an kalpui theih chuan Indian cricket superstar, Rohit Sharma leh Sachin Tendulkar te nen an inkhel ang.
India cricket team captain hlui pahnih, Virat Kohli leh MS Dhoni te pawh an inlan dawn nia sawi a ni a, hei erawh sawi chian theih chiah a la lo thung.
Mumbai Cricket Association (MCA) chuan December 14-ah hian Messi chu Wankhede Stadium-a inkhelah a tel dawn niin an sawi tawh a ni.
December 13 atanga 15 chhung hian Argentina football team captain hian India a tlawh dawn a, Mumbai bakah Delhi leh Kolkata khawpui pawh a tlawh dawn niin an sawi.
Inter Miami star hi India a kal vawi khatna a ni lo va, kum 2011 khan India football khawpui, Kolkata0a Salt Lake Stadium-ah Argentina leh Venezuela ten friendly match an khel a, hetah hian a a ni.
MCA hruaitu pakhat chuan, “Lionel Messi chuan December 14-ah hian Wankhede Stadium a rawn tlawh dawn a, tunah hian ruahmanna kan siam mek a, thil kan kalpui mek a ni. India rama cricket huanga langsar deuh deuhte chuan cricket an khelh theih nan ruahmanna kan siam a, thil kan tihfel hunah mipui hriat turin kan puangzar ang,” a ti.
A hmain Kerala Sports Minister V. Abdurahiman chuan kumin October thlaah Messi hoin Argentina national team chuan friendly match khel turin Kerala an tlawh tur thu a lo puang tawh a. An state sorkar chuan Argentine Football Association (AFA) chu vawi hnih khel turin an lo sawipui tawh a, he ruahmanna hi puitlin theih a nih a rinawm lo thung.