Venhim hna thawktu leh police tangkawm chuan Nikki Sumi pawl, NSCN (K)-a mi pahnih chu Nagaland-a Dimapur district-ah, Ghaspani khuaah an man tih Zirtawpni khan an sawi.
Thu an dawn bawhzuiin tanghovin beihpui hi an thlak a, hel hi an man ta a. An kut atang hian .22 pistol pakhat an man tel bawk tih sorkar thuchhuah chuan a tar lang.
An mi mante leh an ralthuam man hi Medziphema police kutah hlan an ni.
Venhim hna thawktute leh police tangkawp bawkin DNLA hel pawl tana thawk pakhat chu Super Market vengah August 3 khan man a lo ni tawh bawk tih an sawi.
Ani hi hel pawl mi dangte anga ram hnuaia ralthuam nena khawsa ni lovin mi pangngai anga khawsaa hel pawl nena inzawma an mamawh ngaihtuahsaktu a ni.
A kut atang hian Sunflower drug pawh man tel a ni a. East Police Station, Dimapur-ah thu zawh fiah tura lak a ni a, police hian an la kawl zui mek.